Austlægar áttir á Norðurlöndunum.....

....gæti verið ávísun á sunnanáttum á Íslandi.  Það gefur Reykvíkingum og íbúum á vestur- og suðurlandi ekki góða von um bjart veður, líklegt að rigni þó það geti verið sæmilega hlýtt.  Þessi átt er hins vegar frábær á norður- og austurlandi. 

Eins og oft í fréttum, er ekki gott að átta sig á hvert blaðamaðurinn er að fara, vegna skorts á frekari upplýsingum frá norrænu veðurfræðingunum.

Hlýindi í kortunum í sumar?

Athugasemdir

[Jón Halldór Guðmundsson, 21.4.2008 kl. 15:36]

Það þarf að lesa á milli línanna í þessari frétt.

Þegar skrifað er í blöðunum að Þegar gott og heitt og sólríkt veður sé í Evrópu sé von á votvirðrasömu sumri í Íslandi, er átt við að von sé á vorviðrasömu sumri á suðvesturlandi í sunnan og suðvestanáttinni, en sól og blíða austan lands og alveg sérstaklega á Seyðisfirði.

Svona þarf nú stundum að lesa milli línanna kallinn minn!

[Haraldur Bjarnason, 21.4.2008 kl. 18:40]

Pelli. Ég held það hafi verið Trausti Jónsson veðurfræðingur, sem sagði einu sinni að langtíma veðurspár væru svo vitlausar að ekki væri einu sinni hægt að treysta því að þær væru vitlausar.

[Benedikt V. Warén, 21.4.2008 kl. 22:39]

Já, Jón Halldór - akkúrat sammála þér (nema þetta með Seyðisfjörð).

Þetta var nákvæmlega það sem ég var að reyna að "blogga" milli línanna hjá mér.  

Halli, ég heyrði söguna þannig, að bóndi einn var orðinn svo svekktur á venjubundnum veðurspám Veðurstofunnar ".....að það væri ekki einu sinni hægt að treysta því lengur að þær væri vitlausar".